Սեպտեմբերի 9-10, Ծաղկաձորի Գրողների տանը հյուրընկալել էին Վորլդ Վիժնի մեծ ընտանիքի տարբեր ճյուղերից 180 ներկայացուցչի, ովքեր միավորվել էին մեկ ընդհանուր նպատակի շուրջ` կենդանության կոչելու կախարդական Կենաց Ծառը:
Ծրագիրը կազմված էր Վորլդ Վիժնի առաքելության հիմնային գաղափարները բովանդակող լեգենդի շուրջ` միմյանց տրամաբանորեն կապված գործողություններից:
Իրենց նպատակին հասնելու համար թիմերը կատարեցին մի շարք տրամաբանական-ստեղծագործական առաջադրանքներ` ցուցաբերելով գերազանց թիմային աշխատանք և համագործակցություն` փոխադարձ վստահության և աջակցության մթնոլորտում: Արկածային մրցավազքի ավարտին թիմերը հանդես եկան ոգեշունչ շնորհանդեսներով:
